قصة عن عاصفة الحزم‎

بواسطة: - آخر تحديث: الثلاثاء , 20 يونيو 2017 - 14:48

هذي قصه حصلت لي شخصيا هـ في حرب الخليج
طبعا اهل الرياض كلم طلعوا للقرايا الي حولها فمنهم من راح للقصب و منهم لشقرا و منهم للقصيم و منهم لسدير و منهم للمزاحميه و تفرقوا من الخوف
و بقيت انا و الوالد الله يرحمه في الرياض و احد اخواني كان من المتطوعين في الدرعيه و يمر علينا يوم ورا يوم و الوالده الله يحفظها راحت للديره و كنا في معانات صوت الصواريخ من جهه و تكسر القزاز من جهه فكنت اقول للوالد الله يرحمه خل نطلع مع الي طلعوا فكان رده و بكل بروده محد(ن) ميت قبل يومه لو تموت في الرياض ولا برا الرياض
فكانت الصواريخ اسمائها على اسامي المواتر العراق يرسلون سكود و السعوديه باترول
و من المواقف الي صارت كنا ساكنين في حي البطحاء و النار تدخل علينا بسبب الصواريخ و كانت ايام عصيبه ما ندري نلقاها من الاجانب الي يسرقون البيوت ولا من الصواريخ الي تهز الارض هز
في يوم الجمعه رحت للمزاحميه عند نسيبي و كان في غرفه صغيره هو و اربع بنات و ولدين فكان يقولي تعال عندنا هنا يالله من فضله و كان في جدار الغرفه شلخ و كنت ارد عليه ان موتي في بيتي عند الوالد اخير لي من موتي بسبب جدار طاح علي ….
و الحمد لله الي يديم علينا النعم و الامن و الآمان


من شان بيتين أيتما ، نضرب بيد” من حديد
ولصوت حكام عظما ، نقبل صفوف” غايرة.
ياموطني عليك أمان الله من كيد المكيد
يلطم على صدره وتفضح لطمته سرايره .
حن سعد عينك موطني في هولة اليوم الشديد
سلاح ما يخطي مدام ارواحنا ذخايرة .
يابن شجاع الدين لا يغضب عليك إبن الوليد
فعوله أصدق من كلامك ، والرحاوي دايرة .

عزنا الاسلام هو غايه فخرنا
فيه سر وجودنا ونموت دونه

أرضنا ارض الذهب وانقا المذاهب
والرجال اللي عهدهم يحفظونه

بدر بن عبد المحسن*

لا قيل عبدالله خضع كل جبّار
و كل ظالم صابه ثمانين علّه
ياللي ذخرت الشر كله للاشرار
اشرف حسام اللي كفوفك تسله

انموت دون الوطن ويعيش عبدالله
عيبٍ على ابن الشجاع يموت بفراشه

#سيف_سلمان

حنا هل العوجى ولابه مراواة *!!
شرب المصايب مثل شرب الفناجيل*

فهد بن عبدالعزيز رحمه الله

صانك الله يا بلدنا من أذى قاصي وداني
* * أسعدي ف امان ربك الوطــن بايدي أمينه..

هنا الفخر هنا الفخر يابلادي
شفنا عيالك يصنعون الصواريخ
هذي رياح الشرق سم الاعادي
اللي على رؤس الاعادي مناويخ

#سيف_عبدالله

دولة ٍتبنى على روح الترابط*
نهجها القرآن و السنّه عمدها*
ما عليها من تصاريح المخابط
ما تضام و دين ربي معتقدها

جزاء البقمي*

ان دقت طبول الحرايب * وقالو
حان الوعد والمعركه عقب *باكر
ونادو عساكرنا * وقالو. *تعالو
الشعب كله *فالمواقف * عساكر

#سيف_سلمان

رغم التعب والارق وتقلبات الجو
والبعد عن الاهل ، الا اننا لازلنا نردد
ان هذا وطنا ونحن له في أي ظرف
وتحت راية الاسلام وحكامنا

*يادارنا بابك عن الذل موصود*
زهر الفخر نبتك قديم وجدايد
وقت العسر بالدم نوفي لك عهود*
و وقت الرخا بنقول مدح وقصايد*

#سيف_سلمان

ماهو فقط عسكر وعرض وصواريخ..
(قرصة إذن) لـ إيران واذناب إيران

يا موطني إسمع وسجّـل يا تاريـخ..
نعيش بك شجعان ونموت شجعان
#سيف_سلمان

*قوّات بحرية ومشاة وصواريخ
جيوش عبدالله زحازيح وأحرار

لا فرّعوا عند الملاقئ مطانيخ
تلقى جثث أعدائهم تشتعل نار

*محداً من العالم علينا تكرم*
حنا بنينا دارنا من سنامه*

بديننا كل المواضيع تحسم*
ونواكب الاصلاح عامه بعامه*

#سيف_عبدالله

الرسالة واضحة واللي مايفهم .. يفهم*
#سيف_سلمان وجيش الحق لله درّه*
..
حطنا ربي على جرح العروبة مرهم*
والعدو حنا عمى عينه وحنا شرّه.!

بقوة دفاع .. وطايراتٍ مصاطير*
طور بها سلمان .. يوم استلمها
أبو فهد.. *لا جت جموعٍ مزابير*
يقلط على حيضانها .. ويهدمها

حنا لوطنا وحنا #سيف_عبدالله
واهم مافيه بالدنيا ثرى بلادي
وحنا للاسلام *عز وللعدو عله
واللي نوانا نجيه وربنا الهادي
#هادي الجنفاوي

ياسيف سلمان ويادرع مقرن
ياشامخن فى موطنك لا تبالي
عندك جيوش تدحم الخصم لوحان
وقت البغئ تظهر شيوخ الرجالي

ياقيادات الوطن ياساس عزه
يارجال الأمـن يادرع البـلاد

الوطـن بوجودكم محدٍيهزه
شامخٍ فيكم بعـدرب العبـاد

اقرأ:




مشاهدة 42