طريقة عمل الخبز المصري‎

بواسطة: - آخر تحديث: الثلاثاء , 25 أكتوبر 2016 - 10:07
طريقة عمل الخبز المصري‎

العيش المصري

المقادير

  1. 4 كيلو دقيق
  2. 2 معلقة كبيرة خميرة فورية
  3. ماء دافية للعجن
  4. معلقة كبيرة ملح

طريقة التحضير

  • نضيف الخميرة الفوريه والملح للدقيق .
  • نجمع الدقيق فى جنب من الاناء ونضع فى الجانب الفارغ الماء الدافئ ونقلب الدقيق مع الماء ونقوم بالعجن مع ملاحظة اضافة الماء ببطء حتى نحصل على عجينه متماسكة.
  • نستمر بالعجن حتى تتجمع العجينه على بعضها  كما بالصوره ثم نغطيها  ونتركها تقريبا من ساعة ونصف لساعتين حتى تخمر جيدا وترتفع.
  • هنا ارتفعت العجينه بعد ما تخمرت جيدا
  • نبتدىنقطع من العجينه ونعمل اقراص على حسب الحجم الذى نريده واحنا بقطع العجين قرص يستحسن لو نكون مغطيين العجين بقماش حتى لا ينشف وجه العجينه .
  •  وناخد من الجانب وليس من المنتصف قطع صغيره من العجين لعمل القرص .
  • ونحاول ما نعجنش فيها كتير واحنا بنقرص علشان كدا هيضيع الخمر بتاعها وهتكون صاعبة فى الفرد.
  • هنا انا قرصتة قرص صغيرة مش كبيرة قوى (الحجم حسب ما تريديه)
  • نبتدى بقى نفرد القرصة ونبططها للسمك الذى نريده على مكان مستوى(ممكن تستخدمى لفرد العجينه ماكينة الشعريه) .
  • بعد الفرد و يتم رصة على قطع من القماش , افرد القماشة على صينية كبيرة وارص عليها العيش,
  •  وعندما  تملى نعمل عليها دور تانى من القماش ونرص علية باقى العيش وهكذا لحد ما اخلص كل الكمية او اعمل تقريبا من 5 الى 6 ادوار على بعضة كما بالصورة.
  • و بفوطة مبلوله امشيها على وش الرغيف قبل مايدخل الفرن مكان الدقبق حتى لا يجير.
  • دلوقتى بقى  انا بسوى فى فرن الخبيز الغاز .
  • طبعا بيدى نتيجة احسن واسرع.
  •  ولعى الفرن وهدى النار تحت وزوديها شوية من فوق .
  • فنجعل النار من تحت  هادية حتى لا تحرق العيش,وتكون تقريبا شديده  من فوق  حتى  يقب ويحمر العيش على طول من غير ما ينشف.
  • لانك بتحتاجى نار خفيفة تحت واشد شوية من فوق وسرعة كمان علشان ما ينشفش فى الفرن.
  •  اختبرى حرارة الفرن  برغيف واحد  ظبطى بة النار  ثم اكملى باقى العيش .
  • ولو حسيتى ان الفرن سخن من تحت  دائما اجعلى بجوارك قماشة مبلولة ماء امسحى بيها الفرن  هتهدى الحرارة وتنظف اى شى ويطلع العيش نظيف.

الرقاق المصري

الرقاق المصري

المقادير

  1. 4 كوب دقيق
  2. ربع ملعقه صغيره ملح
  3. 1 كوب زبادى تقريبا ( حسب العجن ) ممكن اكثر لو مش هتستخدمى القشطه
  4. علبه قشطه ( اختيارى )
  5. ملعقتين ذبده فى حراره الغرفه

طريقة التحضير 

  • نضع الدقيق والذبده والقشطه وثلاث ارباع كميه الزبادى.
  • ونعجنهم كويس ممكن نضيف زبادى كمان لو العجينه كانت يابسه لغايه ما يبقى عندنا عجينه كويسه لا تلتصق باليد.
  • نتركها ترتاح حوالى نصف ساعه.
  • وبعدين نكورها كور صغيره .
  • نأخذ كره ونفردها رفيع جدا.
  • هما فى مصر طبعا بيخبزوها فى فرن حار جدا مخصص للخبز وبما انى هنا فى الغربه ومعنديش الفرن ده فسويته فى المقلاه او الطاسه الصاج على البوتاجاز من فوق.
  • ناخذ وحده الرقاق ونضعها على النار ونقلبها.
  • كل ما نخلص واحده نضعها فى حله او ونغطيها علشان الرقاق ما ينشف من الهوا.
  • وبعد ما نخلص المقدار والرقاق يبرد نضعه فى كيس للحفظ ونضعه فى الفريزر وكل ما تحتاجى تأخذى الكميه اللى انتى عايزاها عشان يفضل طازج كل مره تاكليه فيها.
  • وبالهنا والشفا.

عيش الكماج المصري

الخبز الكماج المصري

المقادير

  1. كيلو دقيق
  2. 4 بيضات
  3. خميرة الخبز
  4. كوب زبادى
  5. 2 كوب اللبن
  6. نص كوب زيت على نص كوب سمنه

طريقة التحضير

  • هنحط المقادير دى كلها كدا على بعضها ونعجنها كويس اوى بحيث ان العجينه متلزقش فى ايدينا وتبقى طريه كدا وحلوه.
  • نسيت اقولك يا فتوكه ان لو عندك ينسون او سمسم او حبة البركة او زعتر حطى على الدقيق وانتى بتعجنى .
  • انا عجنت وبقت شكلها كده.
  • هغطيها و اسبها تتخمر حوالى ساعه ونص علشان احنا فى البرد هتاخد وقت شويه علشان تخمر ودا شكلها بعد ما خمرت.
  • هنجيب العجينه ونبتدى نكورها كور صغيره ونرسها فى صينيه مرشوشه بالدقيق علشان متلزقش مننا ونغطيها ونسبها ترتاح عشر دقايق.
  • هنرش الرخامه بالدقيق ونبتدى بأول كوره عملناها ونبتدى نفردها بالنشابه ومننساش نرش دقيق بعد كل واحده نفردها.
  • هنجيب الصينيه ونحطهم فيها وعلى الفرن (ملحوظه) الفرن لازم نشغله اول ما نيجى نكور العجين لازم الفرن تكون درجة حرارته عليا جدا علشان العيش يقب وخصوصا الى عندهم فرن بوتاجاز زى اما الى عندهم فرن خبيز معندهمش مشكله لان الفرن بيبقى شغال من فوق وتحت وكدا كدا العيش بيقب.
  • مننساش يا فتوكات نغطى على العيش اول ما يطلع من الفرن علشان يبقى طرى وبعد ما يدفى نحفظه فى اكياس وعلى الفريزر عدل ومنطلعش منه غير لما نيجى نستعمله نسيبه يفك هيبقى طرى كأنه لسه معمول.
  • عايزه اقولكوا يا فتوكات ان لو عندك فرن خبيز هيبقى احسن من كدا بكتير بس بجد طعمه تحفى وبتحطى على ضهره جبنه وتغمسى شاى بلبن معاه الصبح فى الفطار وابقى ادعيلى.
  • الرغيف الابب ده بقى للفتوكه الى هتقيملى الموضوع.
اقرأ:




مشاهدة 794