شعر حزين عن الأم‎

بواسطة: - آخر تحديث: الجمعة , 09 ديسمبر 2016 - 10:29
شعر حزين عن الأم‎

شعر حزين عن الأم

الأم هي مصدر الأمان والحب والعطاء في الأرض هي الصدر الذي يحتويك إن شعرت ببرد الجرح وقسوة الأيام وظلم الدنيا لك هذه بعض شعر حزين عن الأم

قصائد وشعر حزين عن الأم

جتني الاخبار في وسط السبوع
وانتهى فكري مع اخباري وضاع

كل قلبي محترق بين الضلوع
والسبب نار الحزن والألتياع

ماتت أمي وأنطفت ذيكِ الشموع
وابتدا حزني بأيامي وشاع

ماهنى لي زاد ورقاد وهجوع
عايشٍ في هم واكديار وصراع

المصايب جتني من كل نوع
بس موتك يا حياتي لي ضياع

كل ساعتي بعد موتك سبوع
والثواني كنها موت و وداع

بعد موتك هلت عيوني دموع
كل دمعي بحور وأحزاني شراع

صرتِ من دنياي يا يمه قنوع
دنيتي بعدك حسايف والتياع

أمي مريم يا بعد كل الجموع
في حشاي وفينك حصون وقلاع

يا قمر عمري يا شمس الطلوع
يا حنين القلب يا نور وشعاع

جعل ربي يرزقك ذيك الربوع
في جنان الخلد جناتٍ وساع

********

يواسيني وانا الميت وحالي يجبر الدمعات

تسيل من اللذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بساتمنى تعذريني

******

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عنيوكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلكوافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيركعلى موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

مختارات من شعر حزين عن الأم

شعر حزين عن الأم يبكي

القلب يحزن والمدامـع غزيـره

في جوفي ناراً من لهبها تبكيـت

والديار ظلما كانـت أمـي تنيـره
يايمه وينك من دونك خلا البيت
والديار ظلما كانـت أمـي تنيـره
يايمه وينك من دونك خلا البيت
قلبي تفطرعلـى الفرقاء المريـره
أمنت بالله وباأقـدياره ترضيـت
الموت حقٍ وكلـن لـه مصيـره
وموت النبي قبلك يايمه تعزيـت
هذاجلالك وريحك فـي عبيـره
كل يوم أشمه ولاشفتـه تهنيـت
صوتك يايمـه يامحـلا أثيـره
حنانـك يمـه يخلينـي تدفيـت

*******

يايمـه منهو أجيلـه وأستشيـره
يعدلني لاشفت الصواب وتنحيـت
يايمـه كلـن يناظرلـي بحيـره
من يوم رحتي وأنا اللي ماتواسيت
ياكم تعلم مـن معانـي غزيـره
يامنهل التعليم منـك تربيـت
ياكم تعلم مـن معانـي غزيـره
يامنهل التعليم منـك تربيـت
كم قصةٍقلتي وللماضـي نسيـره
ولاجيت عندك سواليفك تسليـت
اااه يايمـه لنظراتـي الإخيـره
مليـت كفـي تـراًب ثـم حثيـت
أبشـري يمـه بدعـوات كثيـره
كل ماذكرتك ولرحمـن صليـت

********

يوم نشدوني عن دموعي و أنا أمك
جاوبتهم و أبعدتهم عن طواريك

ما أبغى أجرحك بكلمه تزيد همك
و ما أبغى أقول إن السبب من تجافيك

يوم لمست الصدر في يوم ضمك
نسيت أنا اللي حولي و قمت أبكيك

ما أدري أنت عايش و أرتجي لمس جسمك
أو ميت و أقول يرحمك واليك

يا ما سهرت و زاد غمي لغمك
ما أرتاح لين تهتني لياليك

و يا ما إذا طولت في نومك أشمك
و أتأكد إنك عايش لي و أرجيك

و يا ما زعلوا مني خوالك و عمك
و يا ما هجرت أقرب قريب ضحك فيك

******

و يا ما ذرف دمعي لا سال دمك
براءة الأطفال ما هي بتنهيك

و يا ما انتظرتك عند بابي و أنا أمك
و أقول في يوم تجيني و أحييك

أخاف يوم يجيني يغمك
و يجيك علمي مع عزيز يعزيك

أنا على الله داخلة ثم لمك
ارحم قلب تالي الليل يشكيك

فكر بمن هي صابها الضيم و ظلمك
و اذكر حشا ضمك و عسر المسالك
ودي أشوفك قبل يومي و يومك
لو مرة بالعام الله يخليك
ما أبيك تقطعني إذا أمري يهمك
بأقعد معك أضحك وأسولف و أحاكيك

يا وليدي اذكر كلمة قالها فمك
لا قلت كلمة يوه قلبي يلبيك

و اذكر زمان به فراشي بجنبك
و لا شكيت تقول يمه و أسليك

و لا أشتد ما بك فوق كتفي أزمك
ما أرتاح لين ربي يعافيك

و الختم لا جتك الرسالة و أنا أمك
يمه تجي و لا أنا أزحف و أجيك

شعر حزين عن الأم

يمه أنا شفت الرسالة و هليت

دمعي على خدي و زادت همومي

ضاقت بي الدنيا و واسع البيت

و ضاقت على جسمي وساع الهدومي

ما فكرت نفس الردى لا و لا أوحيت

كلمة نصوحٍ جاب لي عنك العلومي

يقول أمك عايشة جسمها ميت

تعجز عن الوقفة إذا جت تقومي

نسيت كم ليلة في حضنها أبيت

و من ثديها الطاهر طعامي أرومي

ما همها الأوجاع يوم إني ألفيت

مع مخرج ضيق و رحمٍ ظلومي

*******

و كتوفها لي مركب لا طحت وأعييت

و ما يهدأ الخاطر لين أقومي

تبيني في عز و راحات بالبيت

لو داسوا العالم عليها القدومي

خفت من ولي العرش يومي تناسيت

و إبليس حط في قلبي سهومي

حزنها علي يفتت القلب تفتيت

سمعتها يوم تقول بأزحف وأقومي

ياليت أشوفك و أسعد القلب ياليت

و أجلس معك لو كان حقي مهضومي

هذا كلامك يمه بقلبي أنا أوحيت

أثري بهجرك شقي محرومي

ما ينفعني لو الليل صليت

و لو الدهر كله أزكي و أصومي

و ما ينفع لو طعت ربي و سميت

*****

و برك و حقك وسط قلبي معدومي

من أول عايش و في داخلي ميت

احسب حياتي غير و أثري محرومي

لا منهم جابوا لي اسمك توذيت

ألف بالموضوع لا أحد يلومي

و أفتح كتاب الله وأقراه و إن جيت

عند آية الأف العظيمة أحومي

تايب و بأعلن توبتي لحامي البيت

و أرجيه يغفر ما مضى من جرومي

حق الأميمة ما أعده لو أحصيت

و من قام به يلقى السعادة تدومي

و إن كان جاء تفريط في شمعة البيت

*****

ترى العقوبة نحس دايم و شومي

يمه أنا جيتك و الراس وطيت

أطلبك عارف إن قلبك رحومي

جيتك أشيل هموم ما شالها هيت

موجود بين الناس كني معدومي

أنا سجين الضيق شبيه بالميت

أبيع نفسي لأجل ترضين دوم

أنا اعترف و أصيح للعالم أخطيت

يوم إني بهجرك عقدت العزومي

تمت و بأصلي على ذايع الصيت

رسولنا صفوة رجال قرومي

اقرأ:




مشاهدة 666