كيفية عمل غريبة الجنجلان‎

بواسطة: - آخر تحديث: الأربعاء , 19 أكتوبر 2016 - 10:19
كيفية عمل غريبة الجنجلان‎

غريبة الجنجلان

المقادير 

  1. 250غ من الجنجلان المحمص
  2. 100غ من الطحين الرقيق المحمص
  3. 200غ من مسحوق السكر
  4. 3 بيضات كاملة
  5. كيس صغير من خميرة الحلوى
  6. قشرة مبشورة لليمون واحدة

طريقة التحضير 

  • يغسل الجنجلان ويقطر , ثم يحمص على النار ويقلب إلى أن يتحمر جيدا يحمص الطحين أيضا ثم يغربل في الغربال الحرير
  • عندئذ, يطحن الجنجلان المحمص مرة واحدة في مطحنة الكفتة , يوضع مسحوق السكر والخميرة وقشر الليمون المبشور على المائدة حيث يخلط بالجنجلان والطحين
  • يجوف وسطه ويكسر فيه ثلاث بيضات
  • يخلط هذا المزيج ويعرك شديدا وبذلك يحصل على عجينة رخوة ولينة نحو ما
  • تدهن اليدان بالزيت وتكون كرات من حجم الجوزة  تسطح الكرة قليلا بضغطها من جهة واحدة على السكر الصقيل
  • تصفف الأقراص أولا بأول الوجه المسكر إلى الأعلى على صفيحة مدهونة بالزيت
  • تنضج في الفرن معتدل الحرارة مدة 15 دقيقة تقريبا

غريبة الجنجلان والكوك

غريبة الجنجلان والكوك

المقادير 

  1. رابعة جنجلان محمر و مطحون
  2. رابعة الكوك مطحون
  3. رابعة سنيدة
  4. كاس الزيت
  5. 4 بيضات كاملين
  6. 1 خمارة الحلوى
  7. قبصة ملح

للتزيين

  1. جنجلان محمر
  2. ماء الزهر

طريقة التحضير 

  • نخلط جنجلان محمر و مطحون مع الكوك و سنيدة و نزيد البيضات و الزيت و قبصة الملح
  • نخلط مزيان حتى تنسجم كل العناصر…نغطي الخليط و ندخلو للثلاجة 4 ساعات منبعد نزيد الخميرة و نخلط ندهن يدي بماء الزهر و نعمل من الخليط كويرات
  • متوسطة الحجم ندوزها فجنجلان محمر من كل الجهات نستفها فوق لاطة الفران ملبسة بورق السولفيريز
  • و ندخلها لفران مسخن من قبل و نقابلها غير تنفخ و تحمر شوية و نخرجها ما خصهاش تبقى مدة طويلة باش ما تقصاحش
  • كتجي معلكة و لديدة بزاااف و الأهم ساهلة و اقتصادية و مفيدة للصحة نتمنى تعجبكم و تجربوها ملاحظة هاد الحلوة مفيهاش طحين او الى ملصقش ليكم
  • جنجلان عملو ابيض البيض ثم جنجلان

غريبة الجنجلان وكاوكاو

غريبة الجنجلان وكاوكاو

المقادير 

  1. 1 كلغ كاوكاو محمر
  2. 4 بيضات
  3. ملعقتان من ماء الزهر
  4. نصف كأس زبدة
  5. ملعقة كبيرة من مربى المشمش
  6. نصف كأس من الزيت
  7. كأسان سكر سنيدة
  8. 1 خميرة كيماوية

للتزيين

  1. شكلاط أبيض
  2. شكلاط أسود
  3. جنجلان محمر
  4. بياض البيض

طريقة التحضير

  • في الخلاط الكهربائي نضع الكاوكاو نطحنه جيدا نضعه في اناء نضيف  جميع العناصر
  • نمزج جيدا حتى نحصل على عجينة لينة،  نشكلها على شكل غريبة نمررها في بياض البيض
  • ثم الجنجلان نعمل ثقب في الوسط ثم ندخلها لفرن معتدل على نار قليلة
  • نضعها في الأعلى فقط لمدة 15 إلى20 دقيقة.  بعد إخراجها نصب القليل من الشكلاط الابيض في الثقب ونزينه بقليل من الاسود
  • ونقدمها بالصحة والراحة مع الشاي.

غريبة الجنجلان والزبيب

غريبة الجنجلان والزبيب

المقادير 

  1. رابعة الزبدة العادية (بدون ذوبان)
  2. كاس الزنجلان
  3. كاس الزبيب (مقطع )
  4. كاس الزيت
  5. كاس سنيدة
  6. 2 خمارات
  7. الدقيق الكافي .

طريقة التحضير 

  • الزبدة و سنيدة و الزيت نخلط جيدا ثم الزنجلان والزبيب مقطع قطعا صغيرة والخميرة والدقيق اللي يجمعها .(العجينة ماتكونش قاسحة )
  • نكورها على شكل غريبة و نزوقوها بالفورشيط طولا وعرضا يعني نضغط بالفورشيط على وجه غريبة تيعطينا شكل مربعات
  • ندهن الطاوة بالزيت و ترش بالدقيق ونصفف الغريبة تدخل للفرن عند ما نخرجها نفندها في السكر الصقيل .
  • اختياري يمكن اضافة الشكلاط مكرط للخليط .
  • جربوها تتجي هشيشة و لذيذة وساهلة .
  • وبالصحة و الراحة .
اقرأ:




مشاهدة 87