قصيدة غزلية‎

بواسطة: - آخر تحديث: السبت , 22 أكتوبر 2016 - 10:21
قصيدة غزلية‎

قصيدة غزلية

قصيدة أبشر
ابشر بقلب مايبي غير طرياك
وابشر بعين ماتبي غير شوفك
وابشر بحب لوقسى الوقت يرعاك
وابشر بروح من غلاها تحوفك
ابشر وكل اللي تبي يالغلاء جاك
أمر عسى درب المنايا يعوفك
ياصاحبي يشين وقتي بليك
لاصار ماينطق لساني حروفك
ان غبت عني يذبح القلب فرقاك
وان جيت يمي عانقتني طيوفك
امشي على كيفك على شان دنياك
واساير أيامك واقدر ظروفك
من كثر ماخوفي على قلب ينساك
سلمت لك قلب الغلا في كفوفك
مديت قلبي يوم مديت يمناك
ولعبت لك عرضة ورقصت سيوفك
لأجلك ازعل باقي الناس لرضاك
وان مت تكفى يدفنوني بجوفك
لوتجرح قليبي وتكثر خطاياك
أرقد وامن أمن الله خوفك
اليا قسى وقتك وشانت نواياك
قلي واموت برغبتك ومعروفك
قد قلت لك ياصاحبي ماقدر أنساك
حلف على روحي أبد ماتعوفك.

قصيدة على شانك

على شانك بكيت بصمت.!
تألمت..وحزنت بصمت!
ولجل بسمه من شفاتك!
كتبت الأغنيات الخمس!
ولجل ماتبكي عيونك..
تحديت الزمان بهمس..
انا…….لجلك…
اموت اليوم!واعيش بذكريات الأمس!
ترى احساسي هو احساسك..
وروحي تعيش بانفاسك..
إلامن شفتك متضايق بكى الكون جن وانس..
اعيش جرحك والامك..
احبك بكل احلامك..
ابي ساعه من ايامك..
ابي اسمع اخر اخبارك
مشاريعك..ومشاويرك
حياتك وكل اعمالك..
على شانك..
افضي اوقاتي واحيابك.
تذوب الروح وتشقابك..
على شانك..‏
اقولك امر تدلل!
ويامر لين يتملل!
تبي قلبي؟
اقولك …..جاك
تبي روحي
اقول …..فداك
تبي ذاتي واحساسي؟!
عطيتك كل شي بصمت!
تشد الرعشة يديني..
الامن شفتك قدامي..
احس اني ملكت الكون..
وحققت اروع احلامي..
اسكت كل هالعالم..
وخليك تحكي وبس..
عليك الدمعة تجنن!
بس مابيك انا تحزن!
ابيك لقلبي تتحنن!
فداك الروح تتمنن…
اثبت صورتك بعيني..
لجل احلم بك بليلي..
لان احلامي مع حبي..
فيها المستحيل يصير..
عطيتك اغلى ماعندي..
ومافيه اغلى من قلبي..
لأن الحب انا عندي..
كلمه ومالها تفسير!؟

قصيدة المكان الي هنا

المكان اللي هنا .. مليان ضحكات ، وأغاني !
والكلام اللي بغيت أقول .. يحتاج ل سكينه !

شوفي الركن البعيد هناك .. كنه صدر حاني
هذا هو اللي يليق ب شاعر وبنت حزينه !

أنسي الشارع ، وعتمات الزوايا، والمباني
هاتي يدينك نلف الغيم ونشكل مدينه !!

عندي الليلة كلام وصمت .. وأخاف الثواني ..
تظلمه .. أو تظلم اللي فيه كم ضاعت سنينه

بس لازم تسمعين اللي أبي ولا تراني!!
لو ب أعيده لك .. نسيت .. ورحت أقول اللي تبينه

شي واحد قبل ما أبدأ .. ما أبي أي شي ثاني
يخطر ف بالك .. وأنا أكشف لك شعور تجهلينه !

إن أنا .. وبكل ما تحمله “أحبك” من معاني
كنت، وراح أبقى أحبك .. لين .. مدري وش هو لينه !!

بس والله ماقدرت أنسى .. ولا همي نساني ..
لا ذكرت إنسان .. ((فيه أسرار مابينك وبينه))

كل ما تطري علي فكرة هواك الأولاني
أشعر إني أنطعن مليون مره من يدينه!

أشعر إن عيونك.. الله ما خلقها إلا عشاني !
كيف كانت تبتسم له؟!.. قولي إنك تخدعينه !!

((صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه))

حتى اسمك يوم رحت أدلله .. حظي رماني
.. بنفس الاسم اللي يقول .. ((بذمتك ماهي غبينه !؟))

وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!

لا تظنيني أناني .. لا .. أنا مانيب أناني
لو سلمت من الغرق . ب أموت في ظهر السفينه!

يا إني ما أكمل،وأعاني .. أو أكمل ثم أعاني
.. كل ما اسمع طاري اسمه .. أو تجي عيني ف عينه!

أينا كان الضحيه ؟.. وأينا اللي كان جاني ؟
مدري !.. ولكن قراري لازم إنك تقبلينه:

((مثل ما أكره فكرة إنه واحد ياخذ مكاني))
ما أقدر أجلس في مكان إنسان.. ((كنتي تعشقينه! )).

قصيدة أهديتني

أهديتني في ليلة العيد فرقا…ولأني احبك بس والله لأني احبك ما رفضت الهديه..

اخذتها منك وكفي من الدمع غرقا…وقلبي يناظر لو تشوفه اشلون يناظر مو مصدق ايديه.

غص اصغر جروحي:دخيلك تكفى إبقا…وتكدرت انا من ضحك ..الخناجر عليه….

قبلك شبعت من الشقا قول لي وش بعد بلقا؟! وما ..عاد باقي لخنجرك غير ذيه!!!!!…

ياحسرتي على قلبي قلب تعود لا نوى الفرح يشقا….ب احلامه اللي اكتشفت ..انها احلام غبيه…

سويت لك في داخله (1000).ومليون.. مسقا…شفني عطشت …وكل جروحي رويه…

توي عرفت ان جرح عن جرح فرقا..ومع انها كلها متشابهه في الأذيه…

الجرح هذا غيروالله غير به شي أرقا..كل ما يمر العيد للجرح جيه…

وعشان لو مر عيد ما احس فرقا..خذ فرحتي ..والعيد …وخذ الهديه.

اقرأ:




مشاهدة 177