شعر غزل عراقي‎

بواسطة: - آخر تحديث: السبت , 26 نوفمبر 2016 - 11:51
شعر غزل عراقي‎

الشعر العراقي

سنعرض لكم في هذا المقال مجموعة من شعر غزل عراقي التي قيلت في الحب.

شعر غزل عراقي

ما أجيك ولا تجيني ولا أجيك
يل بعتني الوكت غشاني بيك
لا وحك كل دمعة نزلت ماأجيك
وما أبيعك مو لأن غالي الثمن
ومولأن اني أحبك بس افكر
من ابيعك راح اغش اليشتريك

****
جبت كلب ثاني حتة اكدر انساك
صارت مصيبة وحبك الثاني
عليك تعاركو هذا كتل ذاك
زعل كلبي على كلبي وموتاني

***
جمال البيك دايخ هوة بيك
ويمكن انت تخدر من تكض ايديك
انت ربك خالقك بشكل خاص
اظن خالقك بس الة حتى يعاين عليك

***
احذرك لوتريد تسوي عركة وياي.
ماشايفني حقك لمن اتعرك.
اشك حلكك ابوسة ومنك اخذ ثار.
وبلكي تهد علية وتاخذ بثارك.

***
شفت عصفور فوك الشجرة مكتول
كلت هذا المنية شلون وصلتة
رفعت الراس لكيت العش محترك
كلت هاي القضية الحركة كاتلتة

***
تصح ومضة شعر تفرش دواوين
ويصح ديوان مايفرش حصيرة
وتصح كومة زلم ماتسوة فلسين
ويصح شخص مثلك يسوة عشيرة
من كد ماحلو محد مشة وياك
والماشاك هم ماظل يماشيك
هوة ماشاف دربة تعثر وطاح
لأ كضاها بس يعاين عليك

****
احبك حب ولامر على أنسان
وتدري شكد احبك راح افهمك
حلمت انة بالجنة وانت بالنار
اكفر كمت حتى انتقل يمك

أجمل آبيات شعر غزل عراقي

موبس اني اذوب واخدر عليك
من احلم بيك حتى فراشي يخدر
منو الكال الكمر يفتر على الكاع
الكمر شافك حلو وكام يفتر
على نار انتظر ومتاني الاحباب
وندك باب بيتي والكلب ذاب
طلعت للباب عود الباب افتحة
لكيت الباب طالع فاتح الباب

****
حلو وتنكلب ويختلف وضعك
وكذلتك طايرة وتلعب على الريح
الوحيد انت حلو ومحد يتبعك
لأن من تمر كلها ادوخ وتطيح

****
ابوطنة الضحكة شردت من الحلوك
والعيدية دوم مزاعلة الأيد
يجينا العيد جان ومامش هدوم
هسة هدوم عدنة ومايجي العيد

****
هوة غيرك من اشمنة اموت
لاكن ارجع عدل من اشتم هواك
تدري انة شكد احبنك بحيث
من اتهد انت علية اهدن وراك

****
اكص لساني خاطر ما أحاجيك
وحتة ينتهي البينك وبيني
لكيت انوب عيني تسولف وياك
يعني شلون اكص لسان عيني

****
حظر تجوال خلو يوم يومين
رادو شوفتك من عدها يحرموني
راح اطلع واجاهد خلي كلشي يصير
بس اوصل واشوفك خل يكتلوني

****
شكد شايف شفايف فوكهن شامات
بس مثل شفتك ما ملتقي بشفة
تكض اللفة تاكل من تحس بجوع
من كثر الحلاوة تعضك اللفة

****
اريد افتح وياك باب الاعتاب
واكفر بالعشك لوبابة سدة
صاير ماتحس كلش هاليام
وحيل تغيرت بيك المودة
رد كلمن يجيلك وجنحة مكسور
بس مكسور خاطر لاتردة

****
يا أول عشك ياخذني لبعيد
ياأول محب يحتل كياني
زعلت وياك مرة وخلصت وياك
واني وياك صار وطلكاني
كلت انساك خاطر انسا ألأهموم
شوطلعت محبتك من اذاني
لو أدري بغيابك يهدم الحيل
جا كصيتة لعيونك لساني

****
انة البيت عندي وكلشي حاويه
بالأيجار الوكت كعدني بالدار
وكلت بكليبي اسكن مايهمني البيت
طلع حتى الكلب كاعد بالأيجار

****
كضت سنين عمري وخلصت شوك
وعلى عشك الجنيتة تهمل العين
العشك ينظلم لوينتهي بساعات
تكلي شلون واحنة باربع سنين

قصائد شعر غزل عراقي لكريم العراقي

مدينة الحب أمشي في شوارعكِ
وأنا أرى الحب محمولاً بأكفانِ
يا لوعةَ القلب، أخذتْ شكل مقبرةٍ
وأهل بيتي استعاروا حقدَ عدواني
حدائقُ الحب، لا وردٌ ولا شجر
وما البيوت سوى ثكنات سجانِ
كأنني البوم أنعب في خرائبكِ
ودمعة الذل تلمعُ بين أجفاني

***

لا تصدموني، أهذا الكهف منزلنا؟
وهو الذي كان منية كل إنسانِ
أهذه النخلة الجرباءُ نخلتنا
وهي التي أمس من أشجار رضوانِ؟
أهذه الضحكةُ الخرساء ضحكتنا
أفعالنا تلك أم نزوات شيطانِ؟
أهذه الأسقفُ النيران تحرسنا
يا سادة البيتِ هل ضيعت عنواني؟

***

هل أنتِ أمي وهل أنتَ أبي وأنا
أنا ابنُ بيتي أم أنّ الهمَّ أعماني؟
يعلو الوجوهَ عذاب لا شبيه له
وفي الدواخل يغلي ألفُ بركانِ
قلوبُ أهلي وأحبابي غدت حجراً
أأنا على الأرض أم في كوكب ثانِ؟
قتلتم الحب وهو النور في وطني
لا تسألوني تمهّل.. من هو الجاني؟

***

أبا الفراتينِ قد شلَّ الأسى رئتي
ومن سواك يحطم قيد أحزاني
أنا ذهلت لصمتك يا أبا قلمي
وأغنياتي وأشواقي وألحاني
لا شاطئاك كم كانا ولا شفة
باست جراحي ولا مشفاك أشفاني
صفعت وجهي أهذا يا زمان أنا
سلمت للريح ساقيتي وبستاني؟
وكالمجانين أصرخ في الدروب كفى
لا الدار داري ولا الخلان خلاني

اقرأ:




مشاهدة 10